ჯეფ კუნსი – ახალი ხედვის დიდოსტატი თუ კიტჩის მეფე?!

Ivaneთანამედროვე ხელოვნებაში  უამრავ საინტერესო შემოქმედს, კერძოდ, მოქანდაკეს ვხვდებით. დღესდღეობით მასალების მრავალფეროვნება  შესაძლებას იძლევა შეიქმნას ახალი და სრულიად წარმოუდგენელი ნიმუშები. ალბათ, გასული საუკუნის მიწურულს ვერავინ წარმოიდგენდა, რომ უბრალო ბუშტის ძაღლი დიდ ქანდაკებად გადაიქცეოდა და უამრავ წამყვან გალერიაში საპატიო ადგილს დაიკავებდა.   ყველა მიხვდება, რომ საუბარია ამერიკელ არტისტზე, მოქანდაკე ჯეფ კუნსზე. მას ბანალური ობიექტების დიდოსტატს უწოდებენ. ეს, რა თქმა უნდა, ხუმრობით. კუნსის შემოქმედება თანამედროვე მოქმედი არტისტებიდან ყველაზე ძვირადღირებულია. მისი ნარინჯისფერი  „ბუშტის ძაღლი“ 2013 წელს კრისტის აუქციონზე  58,4 მილიონ ამერიკულ დოლარად გაიყიდა, რაც სრული რეკორდია მსოფლიოში. კრიტიკოსების აზრი მისი შემოქმედების მიმართ, ორ ნაწილად არის გაყოფილი. ზოგს  ახალი ხედვის დიდოსტატად მიაჩნია, ზოგიც კი არსებულის სარფიანად გამოყენებაში სდებს ბრალს. ასეა თუ ისე, თამამად შეგვიძლია ვთქვათ, რომ ჯეფ კუნსი სრულიად ახალი სახელია თანამედროვე ხელოვნებისა და ქანდაკების ისტორიაში. მისი შემოქმედება ყოველთვის ექსპერიმენტია, საზღვარია  განვითარებულ ხელოვნებასა და  მასკულტურას შორის, ურთიერთობაა საკუთარ თავსა და სამყაროს შორის.

jeff-koons

“ვფიქრობ ხელოვნება იყენებს ყველაფერს, რაც შენს გარშემოა, რაც შენი წარსულია. ჩემმა შემოქმედებამ გააქრო ჩემში ყველა შინაგანი დაბრკოლება და შიში. აი ესაა მთავარი წარმატების გასაღებიც“ – ჯეფ კუნსი.

Blue-balloon-dog

კუნსი 70-იანი წლებიდან იყენებს გასაბერი სათამაშოების იდეასა და ფორმებს თავის შემოქმედებაში.  მისი ერთ-ერთი პირველი ნამუშევარია „კურდღელი“, რომელიც მაღალ ტემპერატურაზე გაპრიალებული ფოლადისგანაა დამზადებული. ქანდაკებამ უდიდესი აურზაური და დაინტერესება გამოიწვია. მისი ექსპონატად ქცევა ძალიან ბევრ მუზეუმს და გალერეას უნდოდა. ქანდაკებამ ჩიკაგოს ხელოვნების მუზეუმში დაიდო ბინა და მის სავიზიტო ბარათადაც იქცა. მაგრამ, ყველაფერის მიუხედავად, ჯეფ კუნსის სახელის ხსენებისას, პირველ რიგში თვალწინ ბუშტის დიდი ძაღლები წარმოგვიდგება. ამიტომაც კუნსის ყველაზე წარმატებულ სერიად „დღესასწაული“ ითვლება, რომელშიც გაერთიანებულია ბუშტის ძაღლი, ტიტები, ბრილიანტი და კვერცხი. ოცი სკულპტურისგან შედგენილი სერია რამდენიმე წლის მანძილზე იქმნებოდა. სულ ცოტა ხნის  წინ, ბოლო ქანდაკებები – ბუშტის გედი, კურდღელი და მაიმუნი დაემატა.  ქანდაკებები მსოფლიოს მასშტაბით სხვადასხვა გალერეასა და მუზეუმშია წარმოდგენილი.

gagoNYC_1jeff-koons-art

მინდა განვიხილო კუნსის კოლაბორაციები სხვადასხვა არტისტებთან, სამოსისა თუ ავტომობილების ბრენდებთან. ჯეფ კუნსის  ერთ-ერთი დიდი კოლაბორაცია  2013 წელს შედგა მომღერალ ლედი გაგასთან. მათ ერთობლივად გაგას მესამე სტუდიურ ალბომზე ARTPOP-ზე იმუშავეს. ალბომის მთლიანი ვიზუალი კუნსის შემოქმედებაა. შიშველ ქანდაკებად ქცეული ფოტოები დიდი ლურჯი სარკისებრი სფეროებით, რომელიც ადამიანის უხერხულ ადგილებს ფარავს. კუნსმა სპეციალურად შექმნა ქანდაკებების სერია, რომელშიც ლურჯი სფეროებია გამოყენებული, შეიქმნა უამრავი ტილოც.   ცნობილი იტალიელი მხატვარის, სანდრო ბოტიჩელის  „ვენერას დაბადებით“ ინსპირირებულმა ჯეფმა ერთ-ერთ ინტერვიუში განაცხადა: „ მე მინდოდა გაგა ყოფილიყო ქანდაკება. ალბათ არ გაგიკვირდებათ და მართლაც, მისგან შევქმენი ცხოვრებაში პირველად ცოცხალი სკულპტურა ლურჯი სფეროთი“. ალბომის ვიზუალი ერთ-ერთ საუკეთესოდ დასახელდა მსოფლიოში.

Lady Gaga Artpop album cover by Jeff Koons

koonslouisvuittonმოდის მოყვარულებისთვის ჯეფ კუნსისა და ლუი ვიტონის  მოდის სახლის კოლაბორაცია ერთ-ერთი საუკეთესოა. კუნსმა მიმდინარე წლის აპრილში წარმოადგინა ჩანთებისა და აქსესუარების კოლაბორაცია, რომელზეც პრინტებად ცნობილი მხატვრების ნამუშევრები გამოიყენა. კოლექციაში “Masters” გაერთიანებულია ლეონარდო და ვინჩის, ტიციანის, პეტერ პაულ რუბენსისა და ვინსენტ ვან გოგის ნამუშევრები. კოლაბორაციამ გამოსვლისთანავე გაყიდვების რეკორდულ მაჩვენებელს მიაღწია და ბრენდმა კუნსს თანამშრომლობის გაგრძელება სთხოვა. სულ რამდენიმე დღის წინ ფრანგული ბრენდის ვიტრინებში გამოჩნდა ახალი ჩანთები და აქსესუარები სხვა მხატვრების ნამუშევრებით. კოლაბორაცია “Masters II” მოიცავს კლოდ მონეს, ედვარდ მანეს,  პოლ გოგენის, ნიკოლა პუსენის, ფრანსუა ბუშესა და უილიამ ტერნერის ნამუშევრებს. ხელოვნების ისტორიისა და მოდის კოლაბორაციამ კიდევ ერთხელ ძალიან დასამახსოვრებელი პროდუქტი შექმნა. ლუი ვიტონის ჩანთებზე მორგებული უდიდესი მხატვრების ნამუშევრებით, კუნსმა კიდევ ერთხელ გააოცა საზოგადოება. დაპრინტულ ჩანთებზე ოქროსფრად წერია მხატვრის გვარი და რა თქმა უნდა, „LV“ თავისი ტრადიციული ლოგოებით. კუნსმა აგრეთვე რეკონფიგურაცია გაუკეთა ბრენდის ცნობილ ლოგოს, რაც  ბრენდის 163 წლიან ისტორიაში არასოდეს მომხდარა.

http-hypebeast.comimage201710jeff-koons-louis-vuitton-masters-collection-part-1

ძალიან საინტერესო იყო მოდის და ხელოვნების კრიტიკოსების აზრი. მოდის კრიტიკოსების განცხადებით, კუნსმა შთამბეჭდავი კოლაბორაცია შექმნა და მოდის მიმდევრებს შემოქმედებითობისკენ მოუწოდა, მაგრამ სრულიად საპირისპიროდ გამოიყურება ხელოვნების კრიტიკოსების აზრი. ამ კოლაბორაციას წინ უძღვოდა 2014 წელს შვედური ბრენდისთვის H&M შექმნილი ჩანთები, რომლებსაც ამშვენებდა მისი „ყვითელი ძაღლი“. აქსესუარი განსაზღვრული ოდენობით შეიქმნა და იყიდებოდა მხოლოდ ნიუ-იორკში, მეხუთე ავენიუსა და 48-ე ქუჩების კუთხეში მდებარე აღნიშნული ბრენდის მაღაზიაში.

24zROW1-master1050

2010 წელს ავტომობილების გერმანულმა ფირმამ BMW, რომლის სპორტული მანქანების დიზაინზე ნამუშევარი ჰქონდათ თანამედროვეობის ყველაზე ცნობილ შემოქმედებს ალექსანდრე კოლდერს, ოლაფურ ელიასონს, როი ლიხტენშტეინს, ენდი უორხოლს, ჯონ ბალდესარის, ცაო ფეის და სხვა, დიზაინი ჯეფ კუნსს დაუკვეთა. თანამშრომლობა წარმატებული გამოდგა. შედეგად შეიქმნა არტ მანქანა BMW M3 GT2. კუნსის განცხადებით, ის დიდი ხანი მუშაობდა ავტომობილის დიზაინზე. შეისწავლა უამრავი ნიმუში, ასევე გაეცნო სხვადასხვა გრაფიკულ მიმდინარეობას. BMW M3 GT2 შექმნილია უახლესი მასალების გამოყენებით და ფერადი ზოლებით მიღწეულია 3D ეფექტი. შავ ფონზე ასობით ფერადი ხაზის დინამიურობა, იძლევა დაუძლეველი სისწრაფის ეფექტს. სწორედ ეს იყო კუნსის ამოცანაც, რომ შეექმნა ავტომობილის დიზაინი, რომელიც  კიდევ უფრო გადაჭარბებულად წარმოადგენდა მის რეალურ სიჩქარეს.

bmw-m3-gt2-art-car-jeff-koons-2011-widescreen-08

Jeff-Koons-Balloon-Venus-∏Alexis-Dahanასევე ძალიან საინტერესოა და აღსანიშნია ჯეფ კუნსის კოლაბორაცია “Dom Perignon”-თან.  თანამშრომლობა შამპანურის ისეთ ბრენდთან, რომლის დიზაინზეც პაბლო პიკასო, სალვადორ დალი, ენდი უორხოლი და ამერიკელი რეჟისორი დევიდ ლინჩი მუშაობდნენ.  2013 წელს შედგა ვინტაჟური, 2003 წლის შარდონესა და პინო ნუარის საუკეთესო მოსავლით შექმნილი, ვარდისფერი მშრალი ცქრიალა ღვინის პრეზენტაცია, რომელიც სპეციალურად შეიქმნა ჯეფ კუნსთან ერთად. ბოთლის ქეისის, სახელწოდებით Balloon Venus (ბუშტის ვენერა), ინსპირაციას ერთ-ერთი ყველაზე ძველი ადამიანის გამოსახულების ქანდაკება, პალეოლითის ვენერა წარმოადგენდა. შამპანური ლიმიტირებული სერია გამოვიდა და მისი ფასი ქეისით 15 ათას ევროს შეადგენდა.

2016 წელს კუნსმა google-თან კოლაბორაციით შექმნა ე.წ. „ცოცხალი“ ტელეფონის ქეისი Nexus 6P და Nexus 5X სმარტფონებისთვის. ქეისები შექმნილია მხატვრის პოპულარული სერიის Gazing Ball სამი ნიმუშის მიხედვით. ქეისში ჩამონტაჟებული ჩიპის საშუალებით, ეკრანზე გადმოდის იგივე გამოსახულება, რაც ქეისის გარეკანზეა.

ჯეფ კუნსის ბოლო მასშტაბური გამოფენა სახელწოდებით „რეტროსპექტული“, მის მშობლიურ ქალაქ ნიუ-იორკში, უიტნის ამერიკული ხელოვნების მუზეუმში ჩატარდა. უზარმაზარ  გამოფენას მთლიანი მუზეუმის ტერიტორია ჰქონდა დათმობილი, სადაც წარმოდგენილი იყო კუნსის ნამუშევრები სერიების მიხედვით.

gallery-6-photo-by-prudence-cuming-associates-victor-mara-ltd-artwork-jeff-koons

Advertisements

Tom Ford-ის ქიმერული არომატები

tom-fordTom Ford საზოგადოებას ყოველთვის ანებივრებს ახალი, უცხო არომატებით. მისი ერთ-ერთი ბოლო სუნამო მამაკაცებისთვის Anthracite უკვე ხელმისაწვდომია კომპანია „ლუტეციას“ მაღაზიათა ქსელში. პარფიუმი ბოლო ერთეულია Noir-ის კოლექციიდან. Noir Anthracite  – ძალიან მამაკაცური და ძლიერი, ქიმერული არომატია, როგორც სინათლის ძალა,  მთვარის კაშკაშა ნათება წყვიადში.

 

ამ საოცრად მგრძნობიარე და  ღრმა არომატის შესაქმნელად დიზაინერი შთააგონა ანთრაციტმა,  საუკეთესო ხარისხის შავმა, პრიალა ქვანახშირმა, რომელზეც არეკლილი ასობით სხივი და მაგიურად მიმზიდველი თვისებები, გულგრილს არ ტოვებს  სუსტი სქესის არცერთ წარმომადგენელს.

tom-ford-anthracite-5-the-accords-300x300                  tom-ford-anthracite-2-the-accords-300x300

არომატი იხსნება ბერგამოტისა და ჩინური წიწაკის სურნელოვანი ნოტებით. მათი სინთეზი თბილ ჯინჯერთან ქმნის მომაჯადოვებელ ანტითეზს. არომატის ბრწყინვალე და მდიდრულ გულს წარმოადგენს ყვავილოვანი და აღმოსავლური ნოტები, ტუბეროზა და არაბული ჟასმინი.  ბუნების სიწმინდისა და სისუფთავის სიმბოლო, ტენიანი მწვანე ჰალბანუმის არომატი,  თითქოს იბადება სავსემთვარეობის დროს დაწყებული მედიტაციისას.   ფაჩულის ნოტები  ერთიანობაში კრავს ყველა მერქნოვან აკორდს. საოცრად მდგრად შლეიფს ქმნის ინდონეზიური აბანოზი, დახვეწილი კედარისა და სანდალოსის ხე კი მატებს ტექსტურას სითბოს. ღამის ბნელ, მძვინვარე და მღელვარე ტალღებს ფარავს არომატის ზედა ნოტების ბრწყინვალება.

tom-ford-anthracite-main-the-accords-1024x683

main-qimg-8ec3a1aaa10c140d52c010b8f2a3e85aტომ ფორდს 2006 წლიდან დღემდე 74 სუნამო აქვს გამოშვებული რამდენიმე კოლექციის ფარგლებში. მისი ერთ-ერთ ბესტსელერი სუნამოა Black Orchid, რომელიც მანდილოსნებისთვის 2006 წელს შეიქმნა. პარფიუმი ნაერთია ფრანგული ჟასმინის, შავი შოკოლადის, ვანილისა და უამრავი მერქნოვანი ნოტებისა. Tom Ford-ს სუნამოების ნაწილი წარმოებული აქვს ლიმიტური სერიით ან ერთდღიანი გაყიდვის უფლებით. მაგალითად პარფიუმი Fucking Fabulous შვიდ სექტემბერს გაიყიდა მხოლოდ მსოფლიოს რამდენიმე წერტილში. ტომ ფორდთან ერთად სუნამოს შექმნაზე უმუშავიათ ისეთ ცნობილ პარფიუმერებს, როგორებიც არიან Yves Cassar, Givaudan, David Apel და სხვა.

 

This slideshow requires JavaScript.

 

 

Girl of Now – ყურადღების ეპიცენტრში

Image result for elie saab girl of now gif

Elie Saab-მა საზოგადოებას ახალი სუნამო სახელწოდებით Girl of Now  წარმოუდგინა. საღამოს კლათჩით ინსპირირებული სუნამო, რომელიც გაფორმებულია ლურჯი მინანქრის ყვავილებით, დიზაინერის განცხადებით სამკაულია, რომელიც მანდილოსანმა სულ თან უნდა ატაროს და იპკუროს.  პარფიუმის განუმეორებელი ფლაკონის დანახვისას, ალბათ ყველას  თვალწინ წარმოგვიდგება Elie Saab-ის უძვირფასესი სამოსით წითელ ხალიჩაზე ამაყად მიმავალი ვარსკვლავები, რომლებიც განსაკუთრებული ყურადღებით განებივრებულები თამამად პოზირებენ.

TEMPLATE_GO_INSTIT_PARFUM-1

ოქროსფერი სითხე მოთავსებულია ლურჯი მინანქრის ყვავილის ფურცლებით გაფორმებულ გამჭირვალე ფლაკონში, რაც სუნამოს ინსპირაციასთან ერთად, ბრენდის სავიზიტო ბარათიცაა. ნუშისა და მანდარინის ერთობლიობას მსხალსა და ფისტასთან, მართლაც მივყავართ იმ ჯადოსნურ სურნელამდე, რომელიც გაგვიღვიძებს ელი სააბის ილუზიას და თავს მართლაც წითელ ხალიჩაზე წარმოგვადგენინებს. ინგრედიენტების ერთობლიობით, სუნამოს საკმაოდ ახალგაზრდული სურნელი აქვს. მისი ქვედა ნოტები ფაჩული და ქაშმირი აღვიძებს პოზიტიურობას, ხოლო ტონკას მარცვალი და ნუშის რძე სუნამოს აძლევს სიღრმეს. ყვავილოვანი და კაკლოვანი ელემენტების სინთეზს მივყავართ ახალ ერამდე, რასაც Girl of Now ჰქვია.

Image result for elie saab girl of now gif Image result for elie saab girl of now gif

Girl of Now არის თავგადასავალი, რომელიც იწება ღამით კლუბში  და არ მთავრდება დილამდე, როდესაც მზის ამოსვლისას ბრუნდები სახლში.  სწორედ ასეთია სუნამოს სარეკლამო რგოლიც, სადაც სამი ულამაზესი გოგონა შეუჩერებლად, დაუღალავად ცეკვავს ღამის კლუბში და დილით ბრუნდება შინ. Girl of Now-ს აქვს თავისი საზღვრები, წესები და ამოუწურავი ენერგია.

სუნამო ხელმისაწვდომია კომპანია“ისი პარის“ ნებისმიერ მაღაზიათა ქსელში. Girl of Now შეგიძლიათ შეიძინოთ 30, 50 და  90 მილიგრამიან შეფუთვაში.

GOLDEA THE ROMAN NIGHT – რომაული ღამეების იდუმალი ხიბლი

პარფიუმერულმა კომპანიამ „ისი პარი“ ქართულ საზოგადოებას BVLGARI-ს ახალი სუნამო GOLDEA THE ROMAN NIGHT წარუდგინა.  ლეგენდა ოქროს ქალღმერთ კლეოპატრაზე თავისი ექსპრესიული შინაარსით, მჭიდროდ უკავშირდება Goldea-ს შექმნის ისტორიას,  აღნიშნული სუნამო კი რიგით მესამეა ხაზში.  ლეგენდარული პარფიუმერი ალბერტო მორილასი ამ მომაჯადოვებელი არომატის შესაქმნელად შთააგონა დიდებულმა და მაგიურად მიმზიდველმა მარადიულმა ქალაქმა რომმა, მისი საიდუმლო ღამეების იდუმალმა ხიბლმა.

Bvlgari-Goldea-The-Roman-Night-1280x720px

გრძნობებითა და მაცდურებით გაჯერებული GOLDEA THE ROMAN NIGHT ასხივებს ქალის სიკაშკაშეს, როგორც ღამით დიდებულად მოციმციმე ვარსკვლავებით მოჭედილი ცა. ის მოსავს მანდილოსანს გლამურულად და იპყრობს უკლებლივ ყველას გულსა და ყურადღებას.

visual

Goldea The Roman Night-ის ფლაკონიც კლასიკური გოლდეას ხაზის სტილისაა. სადა, ოვალური ფლაკონი შავ მარგალიტს გვაგონებს, რაც სუნამოს მისტიურობას უსვამს ხაზს. სინათლეზე კი მასზე არეკლილი სხვადასხვა ფერის ტონები, რომაული ღამის მსგავსად, კიდევ უფრო ამოუცნობს ხდის. სუნამოს მთავარი ნოტები ბერგამოტი, შავი წიწაკა და თუთაა, რომელთა კომბინაციით ბულგარიმ ახალი, განუმეორებელი სურნელი შემოგვთავაზა. არომატის  მისტიურობის გასაძლიერებლად პარფიუმერმა საშუალო და ქვედა ნოტებში დახვეწილი ჟასმინი, ხავერდოვანი ვარდი, ტკბილი პიონი, ტუბეროზა, ფაჩული და შავი მუშკი გააერთიანა.

სუნამოს სახე ამერიკელი მოდელი ბელა ჰადიდია. „ღამის დედოფალი“, რომელიც არის სპონტანური, განუმეორებლად ქალური და  მყარად დგას თავის პოზიციაზე. მის კვალს მივყავართ რომაული ღამისკენ, როდესაც მარადიული ქალაქი დუღს მაცდურებით.

სუნამო წარმოდგენილია 25, 50 და 90 მილიგრამიან შეფუთვებში და ხელმისაწვდომია „ისი პარის“ ნებისმიერ მაღაზიაში.

bulgari-goldea-the-roman-night-2

FAKBYFAK-ის ექსტრაორდინალური ფერადი ქარიზმა

 

Ivaneმზის (ე.წ. ფერადი) სათვალე  გამოიყენება სინათლის დიდი გამოსხივების დასაფარად, რადგან თვალს მეტი კომფორტი შეექმნას დღის შუქზე ხედვისას.Fრეალურად მას რამდენიმე საუკუნოვანი ისტორია აქვს. მზის სათვალის სამშობლო ჩინეთია, სადაც XII საუკუნეში სრულიად განსხვავებული დანიშნულებისთვის შეიქმნა. მუქ სათვალეს სასამართლოებზე იყენებდნენ, რადგან მსჯავრდებულს მოსამართლის მიერ დასმულ კითხვებზე ემოცია მარტივად არ შეტყობოდა.

დაბურულ მინიანი სათვალე ევროპაში დაახლოებით XVIII საუკუნის შუა პერიოდში გამოჩნდა, მაგრამ არც მაშინ ჰქონდა ამჟამინდელი დანიშნულება. ინგლისელ ოპტიკოსს ჯეიმს აისკოჰს სჯეროდა, რომ  მწვანე, ლურჯი და ყვითელი მინები ხელს უწყობდა  თვალის სხვადასხვა დაავადებების განკურნებას.

თანამედროვე მზის სათვალე გასული საუკუნის ოციან წლებში ჩნდება და ძირითადად კინო ვარსკვლავები იყენებდნენ. ისინი ფიქრობდნენ, რომ თვალების დაფარვით აირიდებდნენ ქუჩებში ფანების შემოტევას, მაგრამ ხშირ შემთხვევაში, ამაოდ. იმ დროინდელმა ცნობილმა გამოცემებმა ვარსკვლავების ეს თვისება სირაქლემის პოზასაც შეადარეს.

პირველი სათვალეები ძალიან მძიმე იყო სატარებლად, რადგან მინისგან მზადდებოდა. მოგვიანებით, 1929 წელს მასაზე გათვლილი იაფასიანი  ცელულოიდის მზის სათვალეები სემ ფოსტერმა გამოუშვა ამერიკის შეერთებულ შტატებში. ფოსტერმა მარტივად იპოვა  მარკეტინგულად მომგებიანი ლოკაცია და სათვალეები პირდაპირ ნიუ ჯერსის სანაპიროზე გაყიდა საკუთარი ბრენდის სახელწოდებით „ფოსტერ გრანტი“. 1937 წელს საზოგადოების დიდი ნაწილი მიხვდა, რომ მზის სათვალის გამოყენება არა მარტო სანაპიროზე, არამედ ქალაქის ქუჩებშიც შეიძლებოდა. ამავე წლის მონაცემებით, ამერიკის ტერიტორიაზე ოცი მილიონი მზის სათვალე გაიყიდა. ამ პერიოდში გამოჩნდა პირველი პოლარიზებული სათვალეებიც. გასულ საუკუნეში მზის სათვალეს ძირითადად მხოლოდ დანიშნულებისამებრ იყენებდნენ. დროთა განმავლობაში ეს ტენდენცია შეიცვალა და მზის სათვალე ერთ-ერთ მთავარ მოდურ აქსესუარად გადაიქცა, რომელიც უკვე აუცილებელი დეტალია ამა თუ იმ ლუქის მორგებისას. დღესდღეობით  მზის სათვალეების ყველაზე დიდი მწარმოებელი ჩინეთის ქალაქი სიამინია, რომელიც წელიწადში 120 მილიონ სათვალეს აწარმოებს და ყიდის  მსოფლიოს მასშტაბით.

 

Alex CEO & Co-founder ჩემი ბლოგი ექსკლუზიურად წარმოგიდგენთ დღესდღეობით ერთ-ერთ ყველაზე წარმატებულ  სათვალეების ბრენდს FAKBYFAK. სათვალეების ეს ახალგაზრდა ბრენდი უკვე დიდი პოპულარობით სარგებლობს მსოფლიოში და კოლაბორაციებს  ქმნის ისეთ დიზაინერებთან და მოდის სახლებთან როგორიცაა მენიშ არორა, ვოლტერ ვან ბირენდონქთი და სხვა. ბრენდის კრეატიული დირექტორი ალექს მელნიკოვი გვესაუბრება სათვალის მნიშვნელობაზე და მის აუცილებლობაზე. ასევე, ჩვენთან ინტერვიუს დროს, მან ისაუბრა საკუთარი ბრენდის FAKBYFAK-ის კონცეფციაზე, მისიაზე და სამომავლო გეგმებიც გაგვიმხილა.

როგორც სათვალეების ბრენდის დამფუძნებლისა და კრეატიული დირექტორისთვის, რას ნიშნავს შენთვის მზის სათვალე?

ჩვენ გვქონდა ძლიერი გატაცება, რომ გვეკეთებინა სათვალეები და შეგვექმნა ბრენდი. ჩვენთვის მთავარი იყო, ფანტაზიით დაგვემსხვრია რეალობა  და შეგვექმნა ხელშესახები რამ.

სხვა სიტყვებით რომ ვთქვა, ეს იყო პატარა ნაპერწკალი, რომელიც დიდ კოცონად გადავაქციეთ. შემდეგ საჭიროდ ჩავთვალე, რომ ეს ცეცხლი უნდა გამეზიარებინა სხვებისთვისაც. თითქოს ვგრძნობდი, რომ ვისაც ეს იდეა მოსწონდა, ჩვენს შორის არსებობდა უხილავი ძაფები. ეს იყო დასაწყისი და სათვალე მარტივი ინსტრუმენტია იდეისთვის, რომელსაც აწვდი და უზიარებ მთელ მსოფლიოს. ახლა მე ვხვდები, რომ თავიდან გულუბრყვილოდ დაწყებული ამბავი, სათვალეების სერიოზულ ბიზნესად გადაიქცა, რომელმაც დიდი ძალა და სარგებლობა მოიტანა.  პირადად მე,  თითქმის არასოდეს ვატარებ მზის სათვალეს. პატივს ვცემ ადამიანის ულამაზესი სხეულის აგებულებას და ალბათ გაგიკვირდებათ, მაგრამ ვისურვებდი, ვნახო მსოფლიო ფილტრების გარეშე.

ц61

თქვენი ბრენდი ქმნის კონცეპტუალურ მზის სათვალეებს. რას ნიშნავს ეს და არის თუ არა ტენდენციური?

მე არ მომწონს კონცეპტუალიზმი, ზოგადად რაიმე კონცეფცია მოითხოვს გარკვეული წესების დაცვას. ამაზე მნიშვნელოვანი კი ისაა, თუ ვინ როგორი ხედვით ქმნის ახალ საკუთარ კონცეფციას. კონცეპტუალური ნივთები რაღაცნაირად გვაიძულებენ ვიცხოვროთ მათ სამყაროში. ამ დროს ჩვენ ვრჩებით ბუნებრივი, რეალური გრძნობებისა და შეგრძნებების გარეშე. როდესაც შენ მკაცრად ზრუნავ ამა თუ იმ კონცეფციაზე და ნაბიჯ-ნაბიჯ მიჰყვები მას, გიწევს უარი თქვა სხვა შთამბეჯდავ ფაქტებზე, რომელიც არ ჯდება შენს დასახულ ან შექმნილ კონცეფციაში. ეს გავიწყებს უამრავ შესაძლებლობას რაიმე საინტერესოს შესაქმნელად და გიბიძგებს ხელოვნურობისაკენ. ჩემმა გამოცდილებამ მასწავლა, რომ დიდი დოზით კონცეპტუალურობა თავს გალიაში გაგრძნობინებს, როგორც შემოქმედს, ასევე მომხმარებელს. შედეგად, ჩვენ თავიდან ავირიდეთ კონცეპტუალური სტერილური  ფუტურისტული სტილიზაცია ჩვენს პირველივე პროექტში 2013 წელს.

მსოფლიო ძალიან განსხვავებულია, განსხვავებულები ვართ ჩვენც. ჩვენ აღარ მივყვებით კონკრეტულ ნორმებსა და დოგმებს, რომლებიც ამ ინდუსტრიაში დეკადების მანძილზე დაფუძნდა.

ტრენდი…. ხალხს ძირითადად მოსწონს ტენდენციური ნივთები, რომელიც ხშირ შემთხვევაში არ იციან რატომ ან ვისგანაა. ჩვენ თავადვე ვქმით ტენდენციებს, რომელიც არასოდეს ემსგავსება სხვას ანუ არ არის მასობრივად ტენდენციური და მოდური.

როგორ მოდის ინსპირაცია ახალი კოლექციის შესაქმენლად?

IMG_7237როგორც აღვნიშნე, არასდროს ტენდენციებისგან გამომდინარე.  შთაგონება  მოდის ვთქვად აფექტიდან, რომელიც ჩნდება მარტივად. ხშირ შემთხვევაში ღამე, როდესაც უბრალოდ წევხარ და რაღაცეებზე ფიქრობ, ან ჯაჭვივით აწყობილი ცხოვრებისეული შემთხვევებისგან, რომელიც ხშირად ხდება ხოლმე ახალი კოლექციის გასაღები. მე ძალიან სათუთად ვუვლი სპონტანურ ინსპირაციებს, რომელსაც აუცილებლად  მივყვები და ვაცნობ ჩემს ბორდს.

ჩვენ ენერგიულად წარმოვაჩნეთ კაშკაშა ვიზუალურ ამბებს, ვქმნით ახალ ესთეტიურ კოდებს და მნიშვნელობებს –  ანუ ყველაფერს, რაც პროდუქტს ქმნის დასამახსოვრებელს, განუმეორებელს, რომ ჩვენი წარმოებული ნივთები პირდაპირ ურთიერთობაში შევიდნენ მფლობელებთან. ჩვენ ხალხს ვთავაზობთ განსხვავებულ ვიზუალს, რადგან მათ შეიძინონ დიზაინი და არა ლოგო. ჩვენთვის ძალიან მნიშვნელოვანია, რომ ვაწარმოოთ ისეთი დიზაინის სათვალეები, რომელიც ხალხის წარმოსახვას აღაგზნებს, ანუ იქნება დაუვიწყარი. ამ ეფექტის მისაღებად ვფიქრობ ძალიან ბევრს. იყო შემთხვევა, როცა წვიმიან ღამეს საძინებლის ფანჯარასთან მჯდომი ვუყურებდი როგორ ეცემოდა წვეთები მინას.

ეს მოქმედება მომენტალურად ჩემს შთაგონებად იქცა და წარმოვიდგინე ახალი კოლექცია. ოთახში ძალიან ბედნიერმა ცეკვაც კი დავიწყე და მივხვდი, ორდინალური აღქმით  ვიპოვე ექსტრაორდინალურობა. მოკლედ რომ ვთქვა, ყოველთვის არსებობს რაღაც ისტორია, რაღაც ლეგენდა, ძალიან ღრმა ინსპირაცია ყოველ ახალ დიზაინში. სხვა შემთხვევაში ეს არ იქნება საინტერესო და ვერ გაუძლებს დროს.

2 FAKBYFAK_WALTER0157 copy

რამდენად მნიშვნელოვანია ხალხისთვის სათვალე და არის თუ არა მასთ ჰევ აქსესუარი?

სათვალე გასაოცარი აქსესუარია. თუმცა ვიღაცისთვის, შესაძლოა,  არ არის ყოველდღიური ატრიბუტი. მიუხედავად ამისა, ის რაღაც ნიღბის მსგავსია, რომელიც გმალავს, ან შენ ლუქს ხდის დასრულებულს და მოკაშკაშეს. სათვალე შეიძლება იყოს მარტოხელა, დამოუკიდებელი ან მთავარი დეტალი და აქსესუარი. ვერაფერი ჩაენაცვლება მას და ეს არის მიზეზი სათვალის ასეთი პოპულარობისა. თითქმის ყველა აფასებს მას, არ აქვს მნიშვნელობა ვინ ხარ, ან როგორი ცხოვრების სტილი გაქვს.

როგორ დაახასიათებთ თვენი ბრენდის სტილს?

როდესაც შენ აღწერ სტილს ან ცდილობ იდენტიფიცირება გაუკეთო, დებ ლეიბლს. ამ გზას მიჰყავხარ იდენტიფიკაციისა და კონცეფციის  პატიმრობისკენ. ამიტომ მე არ ვიყენებ ამ გზას. როდესაც შენ ხატავ შენს ხაზს, ასევე გაქვს რაღაც ლიმიტი… მე ვამჯობინებ, რომ თავიდან ავირიდო ბრენდის სტილიზირება  და მივიღო ახალი გადაწყვეტილებები ინტუიციური მიდგომით, რაც საინტერესოდ მესახება კონკრეტულ მომენტში.

FAKBYFAK_MANISH5636

როგორც ცნობილია, თქვენი პროდუქტი იქმნება ორგანული  მასალებით.

ნამდვილად, უმეტესი ძვირადღირებული ჩარჩოები მზადდება ორგანული აცეტატისგან (ხის ან ცელულოზის) – და არა პლასტმასისგან. ეს არ არის რაღაც განსაკუთრებული და ჩვენ არ ვართ ამაში პიონერები.   ჩვენს ინდუსტრიაში უკვე მრავალი წელია უმეტესად ასე კეთდება, რა თქმა უნდა, ხარისხიან ბრენდებზე ვსაუბრობ. ეს არის განუმეორებელი მასალა, რომელიც საშუალებას იძლევა განახორციელო შენი ფანტაზია და იდეები. ჩვენს ზოგ კოლექციაში აცეტატისგან შევქმენით  სპეციფიური ფორმები და ტექსტურები.

 

 

შენ აკეთებ კოლაბორაციებს ცნობილ ბრენდებთან. მოგვიყევი ამის შესახებ.

მართალია, როგორც აღნიშნეთ 2016 წელს ჩვენ წარვადგინეთ კოლაბორაცია ცნობილ დიზაინერ მენიშ არორასთან და ბელგიელ ავანგარდულ დიზაინერ ვოლტერ ვან ბირენდონქთან. ეს ორი პროექტი გახდა ჩვენი მთავარი გამოწვევა. აქამდე ჩვენთან, რუსეთში არ არსებობდა ბრენდი, რომელმაც ასეთი დონის უცხოელ დიზაინერებთან გააკეთა კოლაბორაცია.  რა თქმა უნდა, ეს იყო ძალიან მნიშვნელოვანი პროექტი ბრენდის განვითარებისთვის. ბოლო ორ წელიწადში ბევრი ბრენდი დავჯაბნეთ და ამ ბიზნესში რუსეთის ბაზარზე გავხდით ყველაზე წარმატებულები ჩვენი იდეებით, კონცეპტუალური განვითარებით, პროდუქციითა და მარკეტინგით.

ყველაფერი აღმოჩნდა იმაზე დიდებული და წარმატებული, ვიდრე მოველოდით. აღნიშნული პროექტები იყო სასიხარულო და ამავდროულად, ძალიან რთული გაკვეთილი. ეს იყო რისკიანი გამოწვევა, მაგრამ ღირებული გამოცდილება. ჩვენ მადლიერები ვართ, რომ მოგვეცა ეს შესაძლებლობა, რომელზეც სასაუბროდ ალბათ საათები კი არა, დღეები არ მეყოფა.

საწყის ეტაპზე მივიღეთ უამრავი შემოთავაზება, მაგრამ საბოლოოოდ ავირჩიე ორი მათგანი – მენიში და ვოლტერი. პასუხისმგებლობა ამ გაერთიანებაში იყო ძალიან დიდი. ორივე პროექტის შემოქმედებითი პროცესი განსხვავებულად მიმდინარეობდა. მენიშის შემთხვევაში  სრული თავისუფლება გვქონდა შემოქმედებით ნაწილში, ხოლო ვოლტერის პროექტში გვქონდა კონკრეტული სტრატეგია და დედლაინები.

მინდა უფრო ვრცლად გესაუბროთ ვოლტერის პროექტზე, რომელიც გამორჩეულად მიყვარს. ეს იყო ყველაზე განსხვავებული და ამბიციური გამოწვევა, რაც კი ოდესმე გვქონია. ჩვენ შევხვდით ორი თვით ადრე, ვიდრე ის პარიზის კვირეულზე თავისი ახალი კოლექციას ჩვენებას მოაწყობდა. მან მაჩვენა ახალი კოლექციის ჩანახატები და შევთანხმდით ფერების, ტექსტურის და მასალების ვარიაციაზე. ახალ მასალად  გამოვიყენეთ  რეზინის ფერადი სარჭეები, რომელიც ცეცხლოვანად ციმციმებდა სათვალეებზე. დროის სიმცირის გამო, ყველაფერი გაათმაგებული სიჩქარით უნდა გაგვეკეთებინა, ამავდროულად მოგვეფიქრებინა რაღაც ახალი და განსხვავებული. შოუმდე ერთ თვით ადრე ჩვენი წარმოდგენილი ვერსიებიდან გამოირიცხა ოცდაორი და შეირჩა მხოლოდ შვიდი, აქედან ოთხი მხოლოდ 3D და სამი მოდელი, რომლის კეთებაც დასრულებული არ იყო. შოუმდე ერთი კვირაღა რჩებოდა, როდესაც ვოლტერს გავუგზავნეთ პროდუქცია. გამოსახულებები და იდეები, რომლებითაც შეიქმნა სათვალეები, ვიცოდით რომ სახის ბუნებრივი ნაწილი გახდებოდა და არ იქნებოდა ხელოვნური. მისგან პასუხს ველოდით და მან იმეილზე მოგვწერა „სათვალეები დაუჯერებლად გამოიყურება!“ ეს იყო დიდი გამარჯვება.

შედეგად,  წელს ჩვენ ვაგრძელებთ თანამშრომლობას მასთან და იანვარში პარიზის ახალი კოლექციისთვის ისევ ვქმნით სათვალეებს. ასევე წელს გვექნება ორი ახალი ძალიან კარგი და საინტერესო კოლაბორაცია, რომლის პრეზენტაციამდეც ცოტა დრო დარჩა. ახლა არ შემიძლია გაგანდოთ დეტალები, მაგრამ თამამად შემიძლია გითხრათ, რომ სათვალეები არ იქნება რაღაც საშუალო სიდიდის და უკვე ნაცნობი მოდის ინდუსტრიაში. ეს იქნება ახალი და გრანდიოზული სიტყვა  მზის სათვალის ბიზნესში.

IMG_2042_crop_4x3

რა არის FAKBYFAK-ის მისია?

ვფიქრობ, რომ ჩვენი მისიაა დავამსხვრიოთ სტერეოტიპები. ჩვენ მივყვებით ავანგარდს, რაც ვთვლით, რომ ძალიან საინტერესოა  და ვქმით კომფორტულ ფორმებს. ჩვენი მიზანი არაა გავაკომერციულოთ საკუთარი პროდუქტი და იდეები. გვინდა შევქმნათ და დავეუფლოთ ნიშას, სადაც ჩვენი სათვალეები დაიკავებს სათანადო ადგილს. ვიყურები უკან, რა მოხდა გასულ წელს და ვფიქრობ, ჩვენ სწორ მიმართულებას მივყვებით. მჯერა, რომ ჩვენი იდეები და ბრენდის პოტენციალი არის გიგანტური. ამიტომაც ვართ განსხვავებულები, რადგან არ გვაქვს ტრადიციული ფესვები ამ ინდუსტრიაში.

მოგვიყევით FAKBYFAK-ის ისტორია. რა ქმნის მათ ასეთ განსხვავებულს ბაზარზე?

უპირველეს ყოვლისა, ბრენდის სახელი. ჩვენ ირონიულად გამოვაჩინეთ ბრენდი ამ გზით და გავაღიზიანეთ საზოგადოება. გავაოცეთ ჩვენი თავებიც, რადგან სერიოზულად განვიხილეთ მსგავსი პროვოკაციული დასახელება. რეალურად მას აქვს ღრმა განმარტება. საბოლოოდ გავახმაურეთ იდეა, რომ ეს პროვოკაციული სახელი გამოუშვებდა ახალ პროდუქტს, რომლის გარშემოც ჩვენ ვიტრიალებდით.

ვფიქრობ, ესეც ერთ-ერთი მიზეზია რაც გვხდის განსხვავებულს. ადამიანის პირადი  მახასიათებლები და ქარიზმა ატრიალებს ქვეყანას. ექსტრაორდინალური გატაცებაა, რომ მსოფლიო შეცვალო უკეთესობისკენ, გადაკვეთო საზღვრები და დაძლიო საკუთარი თავი, სხვა არაფერი.

FAKBYFAK_WALTER0059

გაგვიმხილეთ თქვენი სამომავლო გეგმები

ჩვენ გვაქვს უამრავი იდეა, რომელის განხორციელებასაც ვაპირებთ. ჩვენთვის ახალი გამოწვევაა, რომ ვიყოთ ტრენდი და სუბკულტურა, რომელსაც FAKBYFAK ერქმევა და არა მხოლოდ ბრენდი. ეს გააერთიანებს ხალხს, ვისაც აქვს მსგავსი ცხოვრების სტილი.

წელს ჩვენ გავმართავთ მთელ რიგ ღონისძიებებს, სადაც წარსდგებიან უამრავი ნიჭიერი არტისტები ელექტრონული მუსიკის მიმდინარეობით და ვიზუალური ხელოვნების ოსტატები. ეს ივენთები გაიმართება მადრიდში, ნიუ იორკი, ბერლინში, ბუქარესტში, ტოკიოსა და ბილბაოში.

ჩვენ მხარს ვუჭერთ და ვაზიარებთ დამწყები ხელოვანების  კრეატიულ ნამუშევრებს მსოფლიოს მასშტაბით. მაგალითად, წელს აღვნიშნავთ TOY GLASSES კოლექციას Walter van Beirendonck-სთან ერთად. ჩვენ გამოვთქვით იდეა, რომ გადაგვეღო ფილმები ლონდონის ანდერგრაუნდ არტისტებთან ერთად. ფილმებზე მუშაობა ნამდვილად შთამაგონებელია და ვინ იცის სად წაგვიძღვება მომავალში.

რა რჩევას მისცემდით ახალბედა სათვალეების ბრენდებს?

მიყვნენ თავიან ოცნებებს  და არასოდეს მიმოიხედონ. ჰქონდეთ ძლიერი რწმენა და  იყვნენ გულწრფელები თავიანთ ნამუშევრებსა და მოტივაციაში.

Twilly d`Hermes   – გოგონებისა და ჰერმესის საიდუმლო კავშირი

დაუჯერებელია, მაგრამ 180 წლიანი ისტორიის მატარებელმა ფრანგულმა  ბრენდმა ჰერმესმა, რომლის სახელიც ასოცირდება სტატუსთან და სიძვირესთნ, გადაწყვიტა ახალგაზრდა აუდიტორიის ყურადღების მიპყრობა. ბრენდის ახალი პარფიუმერი კრისტინ ნაჟელი დააკვირდა, რომ ჰერმისის საკულტოდ ქცეულ ნივთებს მხოლოდ უფროსი, შემდგარი და შეძლებული ქალბატონები არ ატარებენ, არამედ საკმაოდ ახალგზარდებიც, ოღონდ განსხვავებულად, თავისებურად, რადგან არ არის ადვილი პირველად გადაკვეთო ბარიერი ასეთ ბრენდთან. twilly dhermes gif-ის სურათის შედეგი გოგონები ჰერმესის ცნობილ აბრეშუმის შარფებს  ხან წელზე იხვევენ, ხან თმაზე, ხან მაჯაზე და ხანაც ჩანთის სახელოზე. მათმა თანამედროვეობამ, თავისუფლებამ, გამბედაობამ, ელეგანტურობამ და თავნებობამ შთააგონა პარფიუმერი შეექმნა ახალგაზრდული, მგზნებარე და ერთგვარად თავხედური არომატი –  „ისინი სრულიად არაპროგნოზირებადები არიან და თამამად ხვდებიან ნებისმიერ დინებას, თავისი წარმოუდენელი რიტმით“.

 

ძირითად ნოტებად კი ტუბეროზა, კოჭა და სანდალოსის ხე გამოიყენა. ამ სამი არომატის ტრანსფორმაცია არის პიკანტრად მწველი, საოცრად მიმზიდველი და გულახდილად ეროტიული. აღნიშნულ ტრიოს დაუმატა ჟასმინი და მანდარინი და ამ ინგრედიენტებით შექმნა ერთიანი პალიტრა. twilly dhermes gif-ის სურათის შედეგი

Twilly d`Hermes-ის ეფექტი  წინააღმდეგობას ქმნის მოლოდინსა და შედეგს შორის, რაც ერთგვარად დამაინტრიგებელია. კრისტინმა გოგონებისთვის შექმნა ნამდვილი Grande Femme Parfum  და  ტუბეროზას რეტრო-ყვავილოვანი არომატის გამოყენებით პირველმა დაამკვიდრა ახალი ტენდენცია და დააბრუნა ე.წ. „ტუბეროზას ეპოქა“ პარფიუმერიაში.

Twilly d`Hermes  ხელს უწყობს ახალგაზრდა გოგონებისა და ჰერმესის საიდუმლო კავშირს.  მომხიბლავი ფლაკონის სახურავზე ხელით შეკრული  ორნამენტებიანი  აბრეშუმის თასმა კი, ხაზს უსვამს აღნიშნული კავშირისათვის დამახასიათებელ ჰაეროვნებასა და კეკლუცობას. სუნამო მოთავსებულია 30, 50 და 85 მილიგრამიან შეფუთვაში და ხელმისაწვდომია პარფიუმერული ქსელის “ისი პარი” ნებისმიერ მაღაზიაში.

par-olive-hermes-twilly-4-1