PANTHEON ROMA – უკვდავი სიყვარულის არომატი

ნამდვილი პარფიუმერიის მოყვარულები  არჩევანს ყოველთვის ნიშურ სუნამოებზე აკეთებენ. დღესდღეობით უამრავი ბრენდია, რომელიც გვთავაზობს ასეთ ნაწარმს. ამ ბრენდების უმრავლესობა დიდი  შემოქმედებითი ისტორიის მატარებელია. ასეთივეა იტალიური PANTHEON ROMA.

DSC_2726

ბრენდის ინსპირაცია საკმაოდ მომხიბლავი და დასამახსოვრებელია. ის  იტალიური რენესანსის ბუმბერაზი წარმომადგენელის, რაფაელ სანციოს, სიყვარულის ისტორიითა შთაგონებული. როცა რაფაელმა რომის პაპის დავალებით დაიწყო ვატიკანის მოხატვა, უკვე დანიშნული იყო დედოფალი მედიჩის დისშვილ მარიაზე. მაგრამ ამ პერიოდში, მას უბრალო მცხობელის ქალიშვილი უზომოდ შეუყვარდა. სხვადასხვა ფენის წარმომადგნელებს შორის აკრძალული სიყვარული და ფარულად  გატარებული სასიყვარულო ღამე  ტრაგიკულად, რაფაელის გარდაცვალებით დასრულდა. რაფაელ სანციო ერთადერთი ხელოვანია, რომელიც პანთეონში დაკრძალეს. მასზე შეყვარებულმა მარგარეტმა კი თავი რაფაელის სიყვარულს მიუძღვნა და დარჩენილი სიცოცხლე იქვე ახლოს მონასტერში გაატარა.

DSC_2361

ამ ისტორიით ინსპირირებულმა ბრენდმა Pantheon-მა წარმოგვიდგინა ნიშა არომატების მთელი სერია, რომელიც საქართველოში L’Arome Boutique-ის მაღაზიათა ქსელშია ხელმისაწვდომი.

DSC_2380

ბრენდის ერთ-ერთი გამორჩეულად დასამახსოვრებელი არომატია Cosi Blue, რომელის სურნელიც საქართველოში სტუმრად ჩამოსულმა ბრენდის წარმომადგენელმა, ლეონე ფადელიმ, შემდეგნაირად განმარტა – „რენესანსის პერიოდის მისტიციზმისა და თავისუფლების გამოხატულება“. სუნამო მართლაც მოგვაგონებს ცის კრისტალურად სუფთა და ჰაეროვან არომატს, რომელიც თავისუფლებას, სიმშვიდესა და ერთგვარ მისტიურობას გვანიჭებს.

DSC_2665

აღნიშნული სერიიდან ასევე აღსანიშნავია Dolce Passione, რომლის არომატიც გამოხატავს სიამოვნებისა და ნეტარების სპონტანურ განცდას. აღსანიშნავია ის ფაქტიც, რომ სუნამო უნისექსია, ანუ შესაძლებელია იპკუროს როგორც ქალბატონმა, ასევე მამაკაცმა.

DSC_2692

ტექსტი: ივანე ქეშიკაშვილი

Advertisements

VERSACE-ს ახალი მგრძნობიარე არომატი ქალბატონებისთვის

“ისი პარის“ მაღაზიათა ქსელმა ქართულ პრესას ახალი სუნამო ქალბატონებისთვის Dylan Blue Pour Femme წარუდგინა, რომლის შეძენაც ქსელის ნებისმიერ მაღაზიაშია შესაძლებელი. მოდის სახლის VERSACE-ს ახალმა პროდუქტმა  დიდი ყურადღება დაიმსახურა მსოფლიოში, მათ შორის პოპულარობით სარგებლობს საქართველოშიც.

310E46B5-DB1F-4D35-A277-ECF4CAF37473

სუნამოს ყვავილოვანი და ციტრუსოვანი ნოტები გასაოცარ არომატს აძლევს. ვაშლი, შავი მოცხარი, ვარდი, ატამი, ჟასმინი, ფაჩული და მუშკი – ეს Dylan Blue Pour Femme-ს მომაჯადოვებელი ელემენტებია, რომელიც მოთავსებულია ჯაფოსნურ ფლაკონში. ფლაკონი ლურჯი ფერისაა და მის ცენტრში გამოსახულია ოქროსფრად ბრენდის ლოგო-მედუზას თავი.

607F7DB5-13C1-4E4A-96E5-5B14F8FE96F0

Dylan Blue Poir Femme Versace-ს რიგით 57-ე სუნამოა. პირველი სუნამო 1981 წელს გამოჩნდა, როცა ჯანი ვერსაჩეს ბრენდი სამი წლის დაარსებული ჰქონდა. Versace 40 წლიან ისტორიას ითვლის და ითვლება მსოფლიოს ერთ-ერთ საუკეთესო და წარმატებულ ბრენდად. ეს ხარისხი Versace-მ თავიდანვე, ჯანი ვერსაჩეს ტრაგიკულად გარდაცვალებამდე, მოიპოვა.

0D895A17-08C2-480D-905E-53445B9B7F50

ISSEY MIYAKE-ის ახალი აკვადიკური არომატები

პარფიუმერული კომპანია „ისი პარი“ კვლავ ანებივრებს მომხმარებლებს სიახლეებით და ამჟამად წარმოგვიდგენს Issey Miyake-ის ახალ სუნამოებს, როგორც ქალებისთვის ასევე მამაკაცებისთვის. იაპონური ბრენდი ყოველთვის გვაოცებს თავისი ინოვაციური გამოგონებებითა და სტილით, როგორც ტანისამოსში ასევე პარფიუმერიაშიც. პირველი სუნამო L’EAU D’ISSEY ბრენდმა 1992 წელს შექმა  ქალბატონებისთვის. ამით საფუძველი ჩაეყარა  Issey Miyake-ს  სუნამოების ხაზს, რომლის ყველა პარფიუმში ერთ-ერთი მთავარი იგრედიენტი წყალია, რადგან „L’EAU“ ნიშნავს წყალს. ბრენდის ახალი სუნამოები  L’EAU MAJEURE D’ISSEY და L’EAU D’ISSEY  PURE NECTAR აკვადიკური არომატებია, რომლებიც სპეციალურად შეიქმნა მამაკაცებისთვისა და ქალებისთვის. 

trendsfolio-issey-miyake-l-eau-majeure-d-issey-01

მამაკაცის სუნამო L’EAU MAJEURE D’ISSEY-ის დაგემოვნებისას, აუცილებლად ვიგრძნობთ ციტრუსოვან სურნელს, რომელიც გახვეულია ხისებრი და წყლის ნოტების არომატში. სუნამოს მთავარი ინგრედიენტები ბერგამოტი და გრეიფრუტია, ხოლო მისი საშუალო და ქვედა ნოტები გაჯერებულია ქაშმირის, ხისა და ზღვის არომატებით. სუნამო გრილი, პიკანტური და დასამახსოვრებელია, რომლის პკურებისას აუცილებლად იგრძნობთ ოკეანის ტალღისგან გამოწვეულ ნიავს.

Issey-Miyake-LEau-dIssey-Pure-Nectar-de-Parfum-2018

2018 წლის დასაწყისში ბრენდმა ახალი სუნამო ქალბატონებისთვის L’Eau d’Issey Pure Nectar წარმოადგინა, რომელიც გაჯერებულია ყვავილოვანი ნოტებით. როგორც აღვნიშნე, მთავარი ინგრედიენტი ზღვის ნოტებია, რომელსაც ემატება მსხლის, თაფლის, ვარდისა და ბერგამოტის არომატები. სუნამოს ქვედა ნოტებს აერთიანებს ქაშმირი, ია, სანდალოსის ხისა და თეთრი მუშკის არომატები.  სუნამოს ფლაკონი წყლის წვეთს მოგვაგონებს, რომელიც დაფარულია მოვარდისფრო მოოქროსფრო ფერებად. სუნამო ჰაეროვანი, ყვავილოვანი და ნაზია, როგორც ისი მიაკის ჭრელი პლისეს კაბა.

სუნამო ხელმისაწვდომია „ისი პარის“ ნებისმიერ მაღაზიათა ქსელში 30, 50 და 90 მილიგრამიან შეფუთვაში.

Ever Bloom Ginza Flower – არომატი საკუთარი გულისცემით

unnamedიაპონიაში არომატი მგრძნობიარობისა და დახვეწილობის სიმბოლოდ მიიჩნევა.  შისეიდოს სახლიც ამ ფილოსოფიის ტრადიციული მიმდევარია და ყოველთვის გვანებივრებს გასაოცარი, დაუვიწყარი არომატებით, რომლებიც ხელოვნების ნიმუშებს წარმოადგენენ. ჯერ კიდევ, ბრენდის პირველი პრეზიდენტი, შინზო ფუკუხარა ამბობდა, რომ მხედველობის საზრდო ნახატებია, სმენის – მუსიკა, შეხების – ქანდაკება და ყნოსვისთვის კი ის შექმნიდა ისეთ არომატს, რომელსაც ხელოვნების ნიმუშად აღიარებდნენ.

პარფიუმერმა ორელიე გიშარმა შემოგვთავაზა Ever Bloom-ის ინტერპრეტაცია და წარმოგვიდგინა სრულიად ახალი, ჰარმონიული და მელოდიური სურნელი Ever Bloom Ginza Flower, რომლის ღრმა და მაცდურ აქცენტებს გადავყავართ იაპონური კულტურის მგრძნობიარე სამყაროში.

ამ კომპოზიციაში მუსიკოსი მოისმენს ორ ძირითად მოტივს – ფორთოხლისა და გარდენიის  ყვავილების, თეთრი ამბარისა და ფაჩულის მკაფიო აკორდს და იისა და ლოტოსის მწვანე ნოტების კრისტალურად სუფთა ხმოვანებას.

Ever Bloom Ginza Flower გადმოგვცემს სუფთა ემოციას, გვიხსნის მგრძნობელობის ახალ საზღვრებს და ტოვებს უძვირფასეს კვალს მფლობელზე, რომელიც  ნიუანსებამდე წარმოუდგენლად ელეგანტურია.  მის ყოველ მოძრაობაში სიმსუბუქე და ბუნებრივობაა. ეს ზე-არომატი ასეთი ქალბატონისთვის საკუთარი ანარეკლია და მისი აურასავით სუფთა, ნაზი და დახვეწილია.

b4450926fe390efc08141c29739e184cშეფუთვის ინსპირაციის წყაროა ტრადიციული იაპონური ორნამენტი, სიცოცხლის ენერგიისა და ბედნიერების შეუცვლელი სიმბოლო Karakusa, რომელიც  ზუსტად გადმოსცემს პარფიუმის არსს.

Shiseido-Ever-Bloom-Ginza-Flower-fragranceსუნამო მოიცავს ტოკიოს ერთ-ერთი ყველაზე უფრო თანამედროვე, მკაფიო და პროგრესული რაიონის, გინზას უნიკალურ ატმოსფეროს, სადაც სილამაზისა და ბრწყინვალების, ხელოვნებისა და ფუფუნების ერთობლიობაა და საიდანაც, 1872 წელს, დაიწყო ბრენდი შისეიდოს ისტორიის ათვლა.

Ever Bloom Ginza Flower-ს შევყავართ ახალ, ფუტურისტულ იაპონიაში. ამ თანამედროვე, საოცრად მგრძნობიარე და მდგრად არომატს გააჩნია საკუთარი გულისცემა.

სუნამოს შეძენა შესაძლებელია კომპანია “ისი პარის” ნებისმიერ მაღაზიათა ქსელში.

o.57470

სალვატორე ფერაგამოს თანამედროვე და კლასიკურად მარადიული იმპერია

Salvatore_Ferragamo_logo

dl002616-6510_0x440მოდის მომავალი მაესტრო, სალვატორე ფერაგამო, 1898 წელს ღარიბი იტალიელების ოჯახში დაიბადა. ფეხსაცმელი მათ ოჯახში ფუფუნების საგანს წარმოადგენდა და მხოლოდ დღესასწაულებზე აცმევდნენ. პატარა ბიჭი, რომელიც თოთხმეტ შვილიან ოჯახში მეთერთმეტე იყო, ოცნებობდა მეწაღეობაზე და საკუთრი ხელით დამზადებულ ფეხსაცმელზე. 9 წლის ასაკში პატარა სალვატორემ შექმნა თავისი პირველი ფეხსაცმელი უმცროსი დისთვის და უკვე 11 წლისა შეგირდად ედგა ყველაზე ცნობილ ნეაპოლელ მეწაღეს. 15 წლისა კი  ძმასთან ერთად გაემგზავრა ამერიკის შეერთებულ შტატებში ფეხსაცმლის ფაბრიკაში სამუშაოდ, სადაც ათი წლის განმავლობაში, ძალიან დიდი გამოცდილება შეიძინა. ამის შემდეგ მუშაობა გააგრძელა კალიფორნიაში, ძმის პატარა ფეხსაცმლის მაღაზიაში. ფერაგამო ოცნებობდა, რომ შეექმნა არა მხოლოდ ლამაზი, არამედ მაქსიმალურად კომფორტული ფეხსაცმელი და თვლიდა, რომ ეს  მხოლოდ ხელით მუშაობისას მიიღწეოდა. იმისთვის რომ ფეხსაცმელი ექცია სრულყოფილებად, მან სწავლა განაგრძო ლოს-ანჟელესის უნივერსიტეტში ანატომიის, მათემატიკის, საინჟინრო საქმის მიმართულებით. მიღებული ცოდნა-გამოცდილება დაეხმარა იდეალური ყალიბისა და დეტალების შექმნაში, რომლებზეც გაცემული აქვს სამასზე მეტი პატენტი. ფეხსაცმელს ქმნიდა სხვადასხვა ცხოველის ტყავისგან და აფორმებდა ბუმბულით, თვლებით, მინით, ნიჟარებით.

5a051ba58f691296511235ferragamao_amo-ferragamo_andrew-min

ერთ დღესაც, ცნობილმა რეჟისორმა სესილ დე მილმა, თავისი ვესტერნისთვის ფერაგამოს დაუკვეთა 100 წყვილი კოვბოური ჩექმა. შეკვეთა ისე იყო შესრულებული, რომ ფილმისთვის საჭირო დანარჩენი ფეხსაცმელიც მას დაამზადებინეს. ჰოლივუდურმა წარმატებამაც არ დააყოვნა და იტალიელით დაინტერესდნენ რუდოლფო ვალენტინო, მერი პიკფორდი, გლორია სვენსონი და სხვა ცნობილი ადამიანები. სალვატორე იქცა ვარსკვლავურ მეწაღედ და 1923 წელს გადასახლდა ჰოლივუდში. მისი მომხმარებლების სიაში იყვნენ ჯინა ლოლობრიჯიდა, მარლენ დიტრიხი, გრეტა გარბო, მერილინ მონრო, ოდრი ჰებპერნი, ჯუდი გარლანდი. სპეციალურად ენდი უორჰოლისთვის, შეიმუშავა მამაკაცის ფეხსაცმლის მოდელი. მაგრამ მის კარიერაში გადამწყვეტი 1927 წელს შესრულებული „მაჰარაჯას სტილით“ ცნობილი დაკვეთა იყო, რის შედეგადაც საკმაოდ დიდი ანაზღაურება მიიღო და 1928 წელს დაარსა ბრენდი Salvatore Ferragamo. 1950-იანი წლებისთვის მისი მაღაზიების ქსელი უკვე რამდენიმე ქვეყანას მოიცავდა.  1960 წელს 62 წლის ასაკში სალვატორე ფეარგამოს მოულოდნელად გარდაიცვალების შემდეგ, იმპერიას სათავეში მისი ქვრივი და მათი ექვსი შვილი ჩაუდგა.

P1230584-1000x734Desktop_Thumb_960x685-3

დღეს ბრენდი SALVATORE FERRAGAMO ქმნის არა მხოლოდ ფეხსაცმელს, არამედ ტანსაცმელს,  ჩანთებს, აქსესუარებს, საათებსა და რა თქმა უნდა, პარფიუმს ქალისა და მამაკაცისთვის. ბრენდის ეს ხაზი განსაკუთრებულ ყურადღებას იმსახურებს, რადგან ის პრემიუმ კლასს განეკუთვნება და ძალიან დახვეწილია.

salvatore_ferragamo

Salvatore Ferragamo-ს 1960 წლიდან დღემდე 63 სუნამო აქვს წარმოებაში.  2018 წლის დასაწყისში გამოვა ახალი არომატი, სახელწოდებით AmoFerragamo, რომელიც ქალბატონებისთვის ცნობილმა პარფიუმერმა  Maria Salamagne-მა შავი მოცხარისა და ყვავილოვან ნოტებზე დაყრდნობით შექმნა.

მამაკაცის ხაზის ერთ-ერთი გამორჩეული სუნამოა  UOMO. ბრენდის განცხადებით, არომატი იტალიური ცხოვრების სტილის, მემკვიდრეობისა და ინოვაციის მატარებელია.მისი მთავარი  ინგრედიენტები შავი წიწაკა, ბერგამოტი და სანდალოსის ხეა. მამაკაცი, რომელიც ირჩევს აღნიშნულ სუნამოს, საუკეთესო გემოვნებით გამოირჩევა,  ელეგანტური და გაბედულია.

all_fragrances_UOMO_960x685_h

სწორედ ამ შეგრძნებებზე დაყრდნობით იქმნება ფერაგამოს ნებისმიერი პარფიუმი. მათი განცხადებით,  მთავარია არომატი იწვევდეს გრძნობებისა და ემოციების ზღვას, შესაძლებლობას, რომ იყო თანამედროვე და ამავდროულად, კლასიკურად მარადიული.

სუნამო წარმოდგენილია 30, 50 და 100 მილიგრამიან შეფუთვაში და მისი შეძენა შესაძლებელია კომპანია „ლუტეციას“  მაღაზიათა ქსელში.

This slideshow requires JavaScript.

 

Tom Ford-ის ქიმერული არომატები

tom-fordTom Ford საზოგადოებას ყოველთვის ანებივრებს ახალი, უცხო არომატებით. მისი ერთ-ერთი ბოლო სუნამო მამაკაცებისთვის Anthracite უკვე ხელმისაწვდომია კომპანია „ლუტეციას“ მაღაზიათა ქსელში. პარფიუმი ბოლო ერთეულია Noir-ის კოლექციიდან. Noir Anthracite  – ძალიან მამაკაცური და ძლიერი, ქიმერული არომატია, როგორც სინათლის ძალა,  მთვარის კაშკაშა ნათება წყვიადში.

 

ამ საოცრად მგრძნობიარე და  ღრმა არომატის შესაქმნელად დიზაინერი შთააგონა ანთრაციტმა,  საუკეთესო ხარისხის შავმა, პრიალა ქვანახშირმა, რომელზეც არეკლილი ასობით სხივი და მაგიურად მიმზიდველი თვისებები, გულგრილს არ ტოვებს  სუსტი სქესის არცერთ წარმომადგენელს.

tom-ford-anthracite-5-the-accords-300x300                  tom-ford-anthracite-2-the-accords-300x300

არომატი იხსნება ბერგამოტისა და ჩინური წიწაკის სურნელოვანი ნოტებით. მათი სინთეზი თბილ ჯინჯერთან ქმნის მომაჯადოვებელ ანტითეზს. არომატის ბრწყინვალე და მდიდრულ გულს წარმოადგენს ყვავილოვანი და აღმოსავლური ნოტები, ტუბეროზა და არაბული ჟასმინი.  ბუნების სიწმინდისა და სისუფთავის სიმბოლო, ტენიანი მწვანე ჰალბანუმის არომატი,  თითქოს იბადება სავსემთვარეობის დროს დაწყებული მედიტაციისას.   ფაჩულის ნოტები  ერთიანობაში კრავს ყველა მერქნოვან აკორდს. საოცრად მდგრად შლეიფს ქმნის ინდონეზიური აბანოზი, დახვეწილი კედარისა და სანდალოსის ხე კი მატებს ტექსტურას სითბოს. ღამის ბნელ, მძვინვარე და მღელვარე ტალღებს ფარავს არომატის ზედა ნოტების ბრწყინვალება.

tom-ford-anthracite-main-the-accords-1024x683

main-qimg-8ec3a1aaa10c140d52c010b8f2a3e85aტომ ფორდს 2006 წლიდან დღემდე 74 სუნამო აქვს გამოშვებული რამდენიმე კოლექციის ფარგლებში. მისი ერთ-ერთ ბესტსელერი სუნამოა Black Orchid, რომელიც მანდილოსნებისთვის 2006 წელს შეიქმნა. პარფიუმი ნაერთია ფრანგული ჟასმინის, შავი შოკოლადის, ვანილისა და უამრავი მერქნოვანი ნოტებისა. Tom Ford-ს სუნამოების ნაწილი წარმოებული აქვს ლიმიტური სერიით ან ერთდღიანი გაყიდვის უფლებით. მაგალითად პარფიუმი Fucking Fabulous შვიდ სექტემბერს გაიყიდა მხოლოდ მსოფლიოს რამდენიმე წერტილში. ტომ ფორდთან ერთად სუნამოს შექმნაზე უმუშავიათ ისეთ ცნობილ პარფიუმერებს, როგორებიც არიან Yves Cassar, Givaudan, David Apel და სხვა.

 

This slideshow requires JavaScript.

 

 

MISSONI – სურნელი თავდაჯერებული ქალისთვის

სპეციფიკური ყვავილოვანი პრინტებითა და ტონალობებით ცნობილმა იტალიურმა ბრენდმა MISSONI,  თაყვანისმცემელ მანდილოსნებს წარუდგინა საკუთარი სახელწოდებისვე ახალი სუნამო. ახალი არომატის შექმნა მისონის კრეატიულმა დირექტორმა ანჟელა მისონიმ, რომლის ჩანაფიქრიც  მსუბუქი, მაგრამ მაცდუნებელი არომატის შექმნა იყო, ახალგაზრდა და თამამ პარფიუმერს, კვენტინ ბიშოს ანდო.

EDP

ახალი ყვავილოვან-ხილოვანი არომატი, მსუბუქი მერქნოვანი ტონალობებით შექმნილია თანამედროვე და თავდაჯერებული ქალისთვის, რომელსაც აღნიშნული სურნელი, ტანზე ნაზად მომდგარი ფერადოვანი კაბის მსგავსად, მეტად მაცდუნებელს და ყველასთვის შესამჩნევს ხდის. სუნამოს მკაფიო ტემპერამანტს და მსუბუქ სინაზეს ხაზს უსვამს ცისარტყელასავით გარდამავალი და ფერადოვანი ფლაკონი, რომელიც სრულყოფილად გამოხატავს მისონის იტალიური სახლის ესთეტიკას. რეკლამის ავტორი კი თვით ოსკაროსანი რეჟისორი პაოლო სორენტინოა, მთავარ როლში კი მოდელი – ელისა სედნაუი.

Missoni-fragrance

სურნელს ხსნის ბერგამოტით, ლიმონითა და ციტრონით გაჯერებული იტალიური ციტრუსოვანი ტრიო,  გრძელდება მსუბუქი მსხლით, რასაც მოსდევს ჟასმინის, მოდური პეტალიისა და მაჰონიის ყვავილოვანი ნოტები, რომელიც სუმანოს ერთგვარ ეგზოტიკურ არომატს ანიჭებს.